طال البعاد
والزاد مايكفى السفر
نرجع نلاقى الحزن هم وجبل
نفرح نلاقى الحزن هم تقيل
نطلع نلاقى السكة سد
نقف هناك ع الحدود
نسئل ومايرد حد
ويقولوا مات
سامع صوات
والحريم تبكى القتيل
كان نفسه برة البيت يموت
يموت شهيد
بس القدر
لحظة سكوون
زغروتة من جوه القبور
زيحوا الكفن
ميتنا ياناس ولى
ولسه عايش
زيحوا الكفن
هاتوا عيمه ... ابنوا المقام
د الشيخ فلان لسان البيان
الموت وشافه
والملاك طبطب عليه قاله عاود
لسه ما جكش الخلاص
وانت الخلاص
اهلك وعرضك والوطن
هو القدر اى
ياناس
غير لحظة فيها بنتولد ولحظة نموت
ومهما بيطول البعاد
لابد من لحظة رجوع
طب واحنا فى قلب السفر
يا هل ترى هنعوود
يا هل ترى هنعوود
يا هل ترى هنعوود؟!!!
..........................................................................................................محمد
سالم1/6/2008
No comments:
Post a Comment