:
عايش حرام فى حرام
وباكل الجيفة لغاية اما اشبع
ولو واتانى ذكر الفعل والشهوة
بجيب البت اللى تكون ملعب
ونتدارى هناك على جنب
بدون اى ذمب
لا خوف ولا تفكيير هناك بانام على المسرح
ما انا فنان بقدم فنى فى الشارع
او ايها مطرح
ماتقلقشى ياسيدنا البيه
أنا مش بأذى ولا بجرح
لكن حذارى نتقابل انا وياك
وتبقى غزالتى مهفوفة على الشمة
وعقلى على البرشامة والكلة
ولو مرة كمان ريتك
معاك مزة وكمان حلوة
يانتقاسم ... يتخلص منى بالغزة
وبالطعنة واروح اشرب عليك كاسى واغمس ال..مَزّه
وانام لما ارتوى منك
ماهو الذمب مش ذمبى
لا دى عيشتى
ولا انا مرتضى بيها
انا شايف خطاياها
وعارف انى بغي فيها
لكن يامين يفكّر فى اللى كمان زى
وفى الشارع هناك جمبى
اقلك احسن تغور من وشي
بلاش نشوف بعضنا أحسن
ياهانم انتى متزوقة بالدهب
وانت بالالماظ والفضة
عرفتى ليه عقلى ذهب
د أنا ما اعرفش ازاى بتتوضى
نجاستى خسة من خسة
لكن انت اللى نجسة وبت نجسة
تنامى هناك على الفرشة
وانا نايم على اراضيكم الوسخة
تعاشرى ايها يهمك
وانا اوقات ... اعاشر الفرشة
لا انا محتاج دموعك دول
ولا فلوسك
قولي لي : كيف توضينى
وميتك طول عمرها نجسة
No comments:
Post a Comment